Сартақ хан (? — 1256) — 1255-56 жылдары билік еткен Алтын Орданың ханы, Бату ханның үлкен баласы, Шыңғыс ханның шөбересі. Еділ өзенінің төменгі сағасының батыс жағалауынан бастап, Каспий теңізінің солтүстік жағалауы мен Қырым аралығында билік құрды.
| Сартақ хан | ||
| Лауазымы | ||
|---|---|---|
| ||
| 1255 — 1256 | ||
| Ізашары | Бату хан | |
| Ізбасары | Ұлақшы хан | |
| Өмірбаяны | ||
| Діні | несториандық | |
| Дүниеге келуі | белгісіз | |
| Қайтыс болуы | 1256 | |
| Династия | Шыңғыс әулеті | |
| Әкесі | Бату хан | |
| Анасы | Барақшын хатұн | |
өңдеу  | ||
Билігі
1252 жылы Александр Невский Сартақтан жарлық алып, Владимир кнәздігінің билеушісі атанды. 1256 жылы француз королінің Қарақорымға жіберген елшісі Рубрук ең алдымен Сартақтың сарайына аялдап, оған корольдің түрік және араб тілдеріне аударылған грамотасын табыс еткен. Сартақ әкесі Бату қайтыс болған соң Мөңке ханның (Қарақорымда) ұйғарымымен хан тағына отырды. Бірақ көп ұзамай қайтыс болып, тақты Ұлақшы иеленді. Сартақты Батудың iнiсi Берке мен Беркешар өлтiрткен деген пікірлер бар. Дегенмен тарихшы Жақсылық Сәбитовтың пікірінше, Сартақтың өлімі Беркеден гөрі, орталық билік иесі Мөңкеге тиімді болған. Өйткені, Жошы ұлысының ханынан айырылып, әлсіреуі орталық биліктің күшейуіне, оған тәуелділігінің өсуіне әкелері сөзсіз еді. Сартақтан кейін таққа отырған Ұлақшының оған нақты кім болғаны (інісі, баласы) белгісіз.