Түрікменстан президенті

Түрікменстан президенті түрікм. Türkmenistanyň prezidenti
Президенттік туы
Лауазымды иеленуші Сердар Бердімұхамедов 19 наурыз 2022 жылдан бері
Басқару түрі	Мемлекет басшысы Үкімет басшысы
Ресми резиденциясы	Оғыз хан Президенттік сарайы, Ашхабад
Тағайындайды	тікелей сайлау арқылы
Өкілеттігінің мерзімі	7 жыл, жаңартылу мүмкін
Айлығы	жыл сайын 10 800 $
Лауазым пайда болды	2 қараша 1990 (Түрікмен КСР) 27 қазан 1991 (Түрікменстан)
Алғашқысы	Сапармұрат Ниязов

Түрікменстан Президенті, ресми атауы — Түрікменстан Президенті және Министрлер Кабинетінің төрағасы — Түрікменстанның мемлекет және үкімет басшысы, Қарулы Күштердің Жоғарғы Бас Қолбасшысы болып келеді.

Сердар Бердімұхамедов — Түрікменстанның қазіргі президенті, 1991 жылы Кеңес Одағы ыдырағаннан кейін тәуелсіздік алғаннан бергі ел тарихындағы үшінші президент. Сердар 15 жыл бойы билік еткен әкесі Құрбанқұлы Бердімұхамедов 2022 жылы биліктен кеткеннен кейін оның орнына келді. 2022 жылғы сайлауда Бердімұхамедов басқа тоғыз үміктерге қарсы елдегі халықтың 72,97% дауысын алды. Түрікмен үкіметі 2016 жылы президенттік мерзімге шектеулерді алып тастаған және бұрынғы жасы 70-тен төмен емес деген талапты алып тастаған еді, сондай-ақ мерзімін бес жылдан жеті жылға дейін ұзартқан реформалар жүргізген.

Тәуелсіз Түрікменстанның тарихында болған үш президенттің барлығы да тоталитарлы диктаторлар болып сипатталады, олардың билігі жеке басына табыну мен авторитаризммен танымал.

Түркіменстан президенттігіне үміткерлерге қойылатын талаптар:

• Түрікменстанда туған;
• түрікмен тілін еркін меңгерген;
• 40 жастан жас емес;
• Түркіменстанда соңғы 15 жыл бойы тұрақты тұратын;
• мемлекеттік органдарда, қоғамдық ұйымдарда және халық шаруашылығының салаларында жұмыс істеген (Конституцияның 51-бабы).

Президент жалпыға бірдей тікелей жасырын дауыс беру арқылы жеті жыл мерзімге сайланады. Президенттік мерзімдер саны шектелмейді.