Қайырғали Смағұлов (5.9. 1919, Атырау қаласы - 23.10.1993, сонда) - 2-дүниежүзілік соғысқа қатысушы, кіші лейтенант, қазақ. Кеңес әскері қатарына 1939 жылы шақырылған. 1941 жылдың маусымынан Солтүстік Кавказ майданы 18-армия 318-атқыштар дивизиясы 1339-атқыштар полкі құрамында Ұлы Отан соғысына қатысқан. Оның айрықша қайсарлығы, әсіресе, Керчь түбегіндегі ұрыста байқалды. Десантшы жауынгерлерден құрылған 20 сарбаз 44 күн бойы жау қыспағына төтеп берген. Смағұлов жеке өзі Елтиген (Қырым түбегі) қыстағы үшін болған ұрыста жаудың 20-ға жуық әскерін жойған. Смағұловқа батылдығы үшін КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (17.11.1943). 1946 жылы запасқа шықты. 1950 жылы Алматыдағы партия мектебі жанындағы курсты бітірген. 1955 жылы №12 кәсіптік-техникалық училищесінің директоры қызметін атқарған.
| Қайырғали Смағұлов | |||||||||||||
| Туған күні | 5 қыркүйек 1919 | ||||||||||||
|---|---|---|---|---|---|---|---|---|---|---|---|---|---|
| Туған жері | Қайыршақты, Атырау облысы | ||||||||||||
| Қайтыс болған күні | 23 қазан 1993 (74 жас) | ||||||||||||
| Қайтыс болған жері | Атырау, Қазақстан | ||||||||||||
| Мемлекет | КСРО | ||||||||||||
| Қызмет еткен жылдары | 1939—1946 | ||||||||||||
| Атағы | кіші лейтенант | ||||||||||||
| Әскери бөлімі | 1339-шы атқыш полк | ||||||||||||
| Шайқасы | Ұлы Отан соғысы | ||||||||||||
| Марапаттары |
| ||||||||||||
Соғыстан кейінгі жылдары аймақтың әлеуметтік қамсыздандыру жұмыстарына басшылық жасады. 1963-1973 жылдар аралығында Атырау университетінде Азаматтық қорғаныс кафедрасында еңбек етті.
Теңдік атындағы (Атырау қалалық әкімдігі аумағында) орта мектепке Смағұловтың есімі берілген. Ленин, l-дәрежелі Отан соғысы ордендерімен, бірнеше медальдармен марапатталған.
Батырдың өмірі мен ерлігі Ғ.Мүсіреповтің «Қазақ солдаты» шығармасына арқау болған.
Тағы қараңыз
- Керчь-Елтиген операциясы
 | Бұл — тұлға туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |