Тасарық (өзен)

Тасарық өзені
Сипаттамасы
Ұзындығы	63 км
Су алабының ауданы	285 км²
Су ағысы
Бастауы	Ақкөл қазаншұңқыры
Сағасы	Көделі өзенінің оң жағы
Орналасуы
Ел	Қазақстан
Аймақ	Жамбыл облысы Талас, Жамбыл аудандары

 Басқа мағыналар үшін Тасарық деген бетті қараңыз.

Тасарық – Талас алабындағы өзен.

Жамбыл облысы Талас, Жамбыл аудандары жерімен ағады. Ұзындығы 63 км, су жиналатын алабы 285 км² .

Бастауын Ақкөл қазаншұңқырынан алып, оңтүстікке қарай ағып, Көделі өзеніне оң жағынан құяды.

Жағалауы жайпақ, аңғары 30 – 45 м. Қар және жер асты суымен толығады. Жаз айларында кеуіп қарасуларға бөлініп қалады. Жағалауы шабындық және жайылым.