Қызылағаш (өзен)

Қызылағаш
Қызылағаш өзенінің орта ағысы
Сипаттамасы
Ұзындығы	117 км
Су алабының ауданы	2430 км²
Су алабы	Қаратал өзені
Су ағысы
Бастауы	Қаратау таулары
• Орналасқан жері	Жетісу Алатауының батыс сілемі
• Координаттары	45°11′26″ с. е. 79°03′34″ ш. б. / 45.19056° с. е. 79.05944° ш. б. / 45.19056; 79.05944 (G) (O) (Я) (T)
Сағасы	Үшкөл 1 көлі
• Орналасқан жері	Молалы темір жол стансасының солтүстік-батысындағы 25 км жер
• Координаттары	45°39′40″ с. е. 78°05′44″ ш. б. / 45.66111° с. е. 78.09556° ш. б. / 45.66111; 78.09556 (G) (O) (Я)Координаттар: 45°39′40″ с. е. 78°05′44″ ш. б. / 45.66111° с. е. 78.09556° ш. б. / 45.66111; 78.09556 (G) (O) (Я) (T)
Орналасуы
Ел	Қазақстан
Аймақ	Жетісу облысы Ақсу ауданы

 Басқа мағыналар үшін Қызылағаш деген бетті қараңыз.

Қызылағаш – Қаратал алабындағы өзен.

Жетісу облысы Ақсу ауданының жерімен ағады.

Ұзындығы 117 км, су жиналатын алабы 2430 км², жалпы ұзындығы 190 км болатын 140 саласы бар және алабында шағын 8 көл орналасқан. Ірі салалары: Мұзбұлақ, Біртоған, Қапал, Ақтұма, Шыңбұлақ. Сондай-ақ Қызылағаш бөгенінен төменде Егінсу, Ақешкі және Құрөзек тарамдарына ажыратылады.

Бастауын Жетісу Алатауының батыс сілемі Қаратау тауларынан алып, Молалы темір жол стансасының солтүстік-батысында 25 км жерде Үшкөл 1 көліне құяды.

Жоғарғы арнасы тар, тау шатқалымен ағады, Күреңбел (Қорымбел) қонысы аумағында арнасы біршама кеңейеді, жағалауы жарқабақты келген. Орта ағысы жонды-белесті, сайлы-жыралы өңірмен өтеді. Мұндағы жағалауы жарлауытты. Қызылағаш бөгенінен төменде арнасы кеңейеді, алабы жазық жермен өтеді. Жер асты, жауын-шашын суларымен толығады. Жылдық орташа су ағымы Қызылағаш ауылы тұсында 2,16 м³/с. Суы егістікке пайдаланылады, жайылмасы шабындық және жоғарғы алабы мал жайылымына пайдаланылады.