Брешиа (провинция)

Брешиа провинциясы
Provincia di Brescia
Әкімшілігі
Әкімшілік орталығы	Брешиа
Альберто Кавалли
Тарихы мен географиясы
Құрылған уақыты	1859 жыл
Жер аумағы	4 784 км²
Уақыт белдеуі	UTC+1
Тұрғындары
Тұрғыны	1,264,105 адам (2016)
Тығыздығы	260 адам/км²
Телефон коды	030, 0364, 0365, 035
provincia.brescia.it

Брешиа (сондай-ақ Брешия, итал. Provincia di BresciaProvincia di Brescia, ломб. Pruvincia de Bressa) — Италияның Ломбардия аймағындағы провинция.

Брешиа провинциясы солтүстігінде және солтүстік-батысында Сондрио, батысында Бергамо, оңтүстігінде және оңтүстік-батысында Кремона, оңтүстігінде Мантуя  және де шығысында Верона мен Тренто провинцияларымен шектеседі. 

Провинцияда үш үлкен көл орналасқан: Гарда (итал. lago di Gardalago di Garda), Изео (lago d 'Iseo) және Идро (lago d' Idro). Провинцияның солтүстігінде Адамелло-Презанелла тау жотасының бөлігі орналасқан. Сондай-ақ Брешиа провинциясында Камоника, Тромпия және Саббия аңғарлары орналасқан.

Маңызды қалалары: Брешиа, Геди, Манербио, Ордзинуови, Сало́, Гардоне-Валь-Тромпия, Тосколано-Мадерно, Гарньяно, Лимоне, Сирмионе.

Шет аймақ арқылы A4 Турин — Триест және A21 Турин — брешиа автожолы, сондай-ақ мемлекеттік маңызы бар SS39, SS42 және SS45bis жолдары өтеді. Монтикьяри қаласында Брешиа — Монтикьяри әуежайы орналасқан. Провинция арқылы Милан — Венеция және Брешиа — Изео — Эдоло темір жолдары өтеді. Негізгі теміржол торабы — Брешиа бекеті. 1950-ші жылдарға дейін Брешиада қалалық және қалааралық трамвай желісі жұмыс істеді, алайда кейінірек желі істен шықты. 2004 жылы Брешиа метрополитенінің құрылысы басталып, оның алғашқы желісі (17 бекет) 2013 жылы ашылды.