Асы өзені

Асы өзені
Сипаттамасы
Ұзындығы	65 км
Су алабының ауданы	487 км²
Су алабы	Шілік өзені алабы
Су ағысы
Бастауы	Қараш жотасы
• Координаттары	43°16′04″ с. е. 77°53′54″ ш. б. / 43.26778° с. е. 77.89833° ш. б. / 43.26778; 77.89833 (G) (O) (Я) (T)
Сағасы	Шілік өзені
• Координаттары	43°29′31″ с. е. 78°23′29″ ш. б. / 43.49194° с. е. 78.39139° ш. б. / 43.49194; 78.39139 (G) (O) (Я)Координаттар: 43°29′31″ с. е. 78°23′29″ ш. б. / 43.49194° с. е. 78.39139° ш. б. / 43.49194; 78.39139 (G) (O) (Я) (T)
Орналасуы
Ел	Қазақстан
Аймақ	Алматы облысы Еңбекшіқазақ ауданы

Асы – Шілік өзені алабындағы өзен.

Алматы облысы Еңбекшіқазақ ауданы жерімен ағады.

Бастауын Қараш тауының баурайынан алып, Қайрат ауылы тұсында Шілік өзеніне құяды.

Ұзындығы 64 км. Су жиналатын алабы 487 км². Бақай және Жамбас таулары аралығында жағалауы тік шатқалды, жартасты келген. Өзен суын Асысаға, Қайрат ауылдарының шаруашылықтары пайдаланады.

Белгілі ғалым Е.Қойшыбаев Аса, Асы топонимдерін асу оронимдік терминінің өзгерген нұсқалары деп табады. Ал профессор Т.Жанұзақ Асы топонимін көне түркі jazi өзбек, яси түркімен, әзірбайжан, язы, язи - бәрі де "дала", "жазық", "кең алқап" мағыналарын беретін сөзінен шығарады. Т.Жанұзақ сілтеме жасалған еңбегінде Ә.Байбатшаның Асы тауы "ассақтар, яғни асы" этнонимімен қалыптасқан деген пікірін де келтіре кетеді. Асы гидронимі Алматы облысының Кеген ауданына тән асы "қыр, биік, үстірт" диалект сөзінен пайда болған деп жорамалдаймыз. Ол диалектіні сөздікке енгізген әйгілі ғалым С.Аманжолов мынадай мысал келтіреді "Жаздыгүні Алатаудың асысында қар жатады". Биік таудағы жайлау да, өзен де "тау үстіндегі, асыдағы" деген мағынада Асы аталған тәрізді.