Борис Годунов (1552-1605 жылдары өмір сүрген, 1598-1605 жылдары патша болған) ― орыс патшасы. Ресей патшасы (1598-1598 жылдары) Федор Ивановичтің әйелінің ағасы. Федор Ивановичтің қауқарсыздығын пайдаланып іс жүзінде мемлекетті сол кезден-ақ басқарған. Дворянствоға арқа сүйей отырып, билікті орталықтандыруды, шаруалардың басыбайлылығын күшейткен. 1600 жылы Борис Годунов қазақ ханзадасы Оразмұхаммедті Қасым хандығының ханы етіп тағайындайды. Қадырғали Жалайыр өзінің "Жами ат-тауарих"("Жылнамалар жинағы") атты шежіре кітабын Шығыс ғұламаларының дәстүрі бойынша орыс патшасы Борис Годуновқа арнаған.
