Килиан Мбаппе

	Килиан Мбаппе
	; Франция құрамасындағы Мбаппе, 2026 жыл
Жалпы мағлұмат
Толық аты	Килиан Мбаппе Лоттен
Лақап аттары	Донателло (фр. Donatello)
Туған күні	20 желтоқсан 1998 (27 жас)
Туған жері	Бонди, Франция
Азаматтығы	Франция
Бойы	178 см
Салмағы	73 кг
Позиция	шабуылшы
Клуб жайлы ақпарат
Клуб	Реал Мадрид
Номері	10
Жастар клубы
Жастар клубы
2010—2013	Бонди
2011—2013	Клерфонтен
2013—2015	Монако
Клуб карьерасы
Ұлттық құрамы
Марапаттары мен медальдары
Әлем чемпионаты
Әлем чемпионаты
Алтын	Ресей 2018
Күміс	Катар 2022
Ұлттар Лигасы
Алтын	Италия 2021
	Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.; Ресми матчтарда ұлттық құрамда болған ойындары мен голдар саны.;
	Бұл үлгіні: көру • талқылау • өңдеу

Килиан Мбаппе Лоттен (фр. Kylian Mbappé Lottin; 20 желтоқсан 1998, Бонди) — француз футболшысы, «Реал Мадрид» клубы мен Франция құрамасының шабуылшысы.

2016/17 жылғы маусымда Франция чемпионатының үздік жас футболшысы атанды. 2018 жылғы әлем чемпионы және үздік жас футболшы, Францияның жыл футболшысы.

Клубтық мансабы

Кәсіпқой карьерасын 17 жасында «Монако» клубында бастады. Тұңғыш рет 2015 жылы 2 желтоқсанда Франция чемпионатындa «Кан» командасына қарсы 88-минутта Фабиу Коэнтраудың орнына алаңға шықты. Сегіз күннен соң еурокубоктердегі дебют ойынын өткізіп, Еуропа Лигасының алтыншы турында «Тоттенхемге» қарсы ойында алаңға шықты. Бұл кездесуде нәтижелі пасымен көзге түсті.

2016–2017 жылғы маусымда «Монако» чемпиондар Лигасының жартылай финалына дейін жетті. Команданың осы жетістігіне көп үлес қосқан Мбаппе Еуропаға танылып үлгерді де, кәрі құрлықтың бірнеше алпауыт клубтары оны өз қатарына қосып алғысы келетінін мәлімдеді.

Келесі маусымда Мбаппе «Пари Сен-Жермен» клубына жалға берілді. Енді ол Неймармен бірге тізе қосып ойнады. Бірақ еурокубоктерде команда 1/8 финалдан аса алмады. Мбаппе Франция чемпионатында 27 матчта алаңға шығып, 13 гол соқты. Маусым біткен соң париждік клуб оны түпкілікті сатып алды.

Реал Мадрид

2024 жылғы 3 маусымда Реал Мадрид клубымен 5 жылдық контрактқа отырды. Осыдан кейін Мбаппе әлеуметтік желілерінде өзінің бақытымен бөлісті: «Бұл орындалған арман. Мен соңдай бақыттымын және өзімнің арман клубыма өткеніммен мақтанамын... Қазір қандай қобалжып тұрғанымды ешкім түсіне алмайды!».

Ұлттық құрама

Ұлттық құрамада тұңғыш рет 2017 жылы алаңға шықты. 2018 жылғы әлем біріншілігінің екінші турында Перудің қақпасына гол соғып, есеп ашты. 1/8 финалда Аргентинаның қапасына екі гол соқты (4:3). Финалда Хорватияның қақпасына да бір гол енгізді.

Мбаппе турнирдің ең үздік жас ойыншысы атанды. Мбаппе 2026 жылғы әлем біріншілігіне де қатысты.

Жетістіктері

Командалық

Монако

Франция чемпионы: 2016/17

Пари Сен-Жермен

Франция чемпионы: 2017/18, 2018/19, 2019/20, 2021/22, 2022/23, 2023/24
Француз Лигасының кубогы: 2017/18, 2019/20
Франция кубогы: 2017/18, 2019/20, 2020/21, 2023/24
Франция суперкубогы: 2019, 2020, 2023

Реал Мадрид

УЕФА Суперкубогы: 2024
Құрлықаралық кубок: 2024

Жеке

Франция чемпионатының үздік жас ойыншысы: 2016/17
Golden Boy жүлдесінің иегері: 2017
Франция чемпионатының үздік мергені (2): 2018/19, 2019/20
Франциядағы жыл футболшысы (2): 2018, 2019
Әлем чемпионатының үздік жас ойыншысы: 2018
«Копа» олжасының иегері: 2018
1 (3) лигадағы ай ойыншысы: сәуір 2017, наурыз 2018 , тамыз 2018
Алтын бутсы иегері:24/25

Сілтемелер

Профилі — transfermarkt.com (ағыл.)

[club-4] Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

[national-5] Ресми матчтарда ұлттық құрамда болған ойындары мен голдар саны.