Жақия Ахметов (1913-1974), заң қызметкері. Жанаарқаның түлегі. Арғын тайпасының Қуандық руының Қареке бөлімінен шыққан.
1937 ж. Қарағанды облыстық комсомол комитетінде қаржы бөлімін басқарған. 1940 ж. Қарағанды облыстық атқару комитетінің шешімімен облыстық прокурорға көмекші, кейіннен тергеуші прокурор болып бекітілді. Ұлы Отан соғысына (1941-45) қатысқан. Мәскеуде арнаулы заң курсынан өткеннен кейін 1946 жылға дейін әскери бөлімшелерде әскери прокурор қызметін атқарды. Осы жылы елге оралып, Қарағанды, Атбасар жол торабы бөлімшесінде прокурор болды. 1962-1974 ж. ҚазақКСР Жоғарғы соты төрағасының орынбасары қызметін үздіксіз 12 жыл бойы абыроймен атқарды.