Көктіңкөлі (көл)

Көктіңкөлі
Морфометрия
Теңiз деңгейiнен биіктігі	540 м
Ауданы	12 км²
Көлемі	13 млн. км³
Тереңдігі	2,5 м
Орташа тереңдігі	1,1 м
Су алабы
Суды жинау ауданы	2584 км²
Құятын өзен	Жаман Сарысу
Орналасуы
48°31′11″ с. е. 72°06′15″ ш. б. / 48.51972° с. е. 72.10417° ш. б. / 48.51972; 72.10417 (G) (O) (Я)Координаттар: 48°31′11″ с. е. 72°06′15″ ш. б. / 48.51972° с. е. 72.10417° ш. б. / 48.51972; 72.10417 (G) (O) (Я) (T)
Ел	Қазақстан
Аймақ	Қарағанды облысы
Аудан	Шет ауданы
Көктіңкөлі
Көктіңкөлі
Lua error Module:Wikidata/media ішіндегі 4 жолында: attempt to concatenate local 'value' (a nil value).

Көктіңкөлі – Сарысу алабындағы ағынды көл.

Қарағанды облысының Шет ауданында. Жаңаарқа кентінен (Жаңаарқа ауданы) оңтүстік-шығысқа қарай 50 км жерде, теңіз деңгейінен 540 м биіктікте орналасқан.

Аумағы 12 км², суы мол жылдары 13,2 км²-ге дейін жетеді. Су жиналатын алабы 2584 км². Орташа тереңдігі 1,1 м, ең терең жері 2,5 м. Суының көлемі 13 млн. м³. Суы тұздылау, кермек татиды. Жалпы минералдылығы 4,2 г/л. Көлге солтүстік-шығыстан Жаман Сарысу өзені келіп құяды да, солтүстігінен ағып шығады. Сондықтан көлдің деңгейі осы өзен суының молдығына қарай жылына 1,5 м-ге ауытқып тұрады. Сәуірдің аяғы мен мамырдың басында көлдің деңгейі жоғары, ақпанда өте төмен болады. Жаздың 2-жартысында өзен қарасуларға бөлініп қалады.

Батыс жағасы тік жарлы, биіктігі 2 м-ге жетеді, саздақ аралас сұр құмтастан тұрады. Қалған жағалары жайпақ тегіс, саздақты. Солтүстік, солтүстік-шығыс жағаларында көл суын реттейтін топырақтан бөгет салынған.

Жағаларында қамыс, өлең, шалаң, қараған, жусан, т.б. түрлі шөптесіндер өседі.

Күміс мөңке, алабұға, торта балық, шортан, т.б. балықтар кездеседі.