Қадамжай ауданы

Қадамжай ауданы (қыр. Кадамжай району) — Қырғызстандағы Баткен облысының құрамындағы үш әкімшілік ауданның бірі. Ауданның әкімшілік орталығы — Қадамжай қаласы (2012 жылға дейін әкімшілік орталығы Пульгон ауылы болды). 1992 жылға дейін Фрунзе ауданы деп аталып келді.

Батысында Өзбекстанның Сох ауданы-эксклавымен және Баткен облысының Баткен ауданымен, шығысында және оңтүстігінде — Қырғызстанның Ош облысымен, солтүстігінде — Өзбекстанның Ферғана облысы Ферғана ауданымен шектеседі. Аудан сондай-ақ Өзбекстанның Ферғана облысы Ферғана ауданына қарасты Шахимардан (Ердан немесе Иордан) эксклав-территориясын қоршап жатыр.

2009 жылғы Қырғызстанның халық санағы деректері бойынша қырғыздар ауданның 157597 тұрғынының 116 312 адамын құрайды (немесе 73,8%) тәжіктер - 19448 адам немесе 12,3%, өзбектер - 19163 адам немесе 12,2%, орыстар - 1239 адам немесе 0,8%, түріктер - 318 адам немесе 0 , 2%, татарлар - 245 адам немесе 0,2%, хемшилдер - 232 адам немесе 0,2% .

Қадамжай ауданының құрамына 2 қала мен айылдық (ауылдық) округтер кіреді:

• Қалалар:
  • Қадамжай, аудан орталығы (бағынышты ауылдар: Пульгон, Таш-Қия, Чал-Таш)
  • Хайдарқан
• Айылдық (ауылдық) округтер:
  • Абсамат Масалиев айылдық округі — Қаратөбе (орталығы)
  • Ақтұрпақ айылдық округі — Жаңажер (орталығы)
  • Алға айылдық округі — Алға а. (орталығы)
  • Бірлік айылдық округі — Ормош а. (орталығы)
  • Көтерме айылдық округі — Қызыл-Бұлақ а. (орталығы)
  • Қырғызқыстақ айылдық округі — Қырғызқыстақ а. (орталығы)
  • Майдан айылдық округі — Қаражығач (орталығы)
  • Марказ айылдық округі — Марказ а. (орталығы)
  • Оразбек айылдық округі — Оразбек а. (орталығы), Охна а.
  • Совет айылдық округі — Советский а. (орталығы)
  • Үшқорған айылдық округі — Үшқорған а.(орталығы)
  • Халмион айылдық округі — Халмион а. (орталығы)
  • Чаувай айылдық округі — Чаувай а. (орталығы)